As Moslems glo ons in die Goddelike oorsprong van beide gelowe. Geen een kan
homself ‘n Moslem noem as hy nie glo dat Moses en Jesus profete van God is nie. My
doel is slegs om Islam te regverdig en ‘n huldeblyk te bring aan die finale
waarheidsboodskap van God aan die mensdom – iets wat lank reeds agterweë gebly
het. Ek wil ook graag uitwys dat ek slegs die leerstellings van hierdie drie gelowe
bestudeer het. Met ander woorde, ek het my bepaal by die posisie van vroue in
hierdie drie gelowe soos wat dit in die oorspronklike bronne [die Skriftuurlike
bronne] bespreek was. Ek het gladnie gekyk na die manier waarop hierdie gelowe
hedendaags beoefen word deur miljoene volgelinge wêreldwyd nie.
Om hierdie bogenoemde rede gebruik ek bewyse uit die Koran, die Ahadith
[gesegdes van die Profeet Muhammad], die Bybel, die Talmoed en die gesegdes van
die mees invloedryke Kerkvaders wie se standpunte onmeetlik bygedra het tot die
definiëring en vorming van die Christen geloof. Die rede waarom ek my bepaal het
by hierdie bronne hou verband met die feit dat dit geweldig misleidend kan wees
wanneer ‘n mens kyk na die gesindhede en gedrag van sommige nominale volgelinge
van ‘n geloof. Daarom is dit belangrik om die oorspronklike bronne te bestudeer en
nie te kyk na die beoefening van die geloof nie. Mense verwar kultuur [en kulturele
praktyke] met geloof, en baie mense ken nie die inhoud van hulle eie geloofsbronne
nie. Daar is ook natuurlik ‘n groep onder hulle wat gladnie omgee [of hulle
beoefening van hul geloof ooreenstem met die Skrifte] nie.
 - You should know this man.jpg)
.jpg)
