Hao nao ol prophet olsem Abraham, Moses Jesus and Muhammad ( Pis i stap wetem olgeta) oli Prea?
Taem Sheikh: Ahmad Dedaat, wan hae man blong Muslim olsem wan i visitem Jeddah, Saudi Arabia, mo i raetem storian blo laef blong hem.
Hem i talem se hem i stap karem wan krup blong ol Kristian mo ol jew blong visitem wan mosque long wan ples oli singaotem Durban long South Africa. Taem oli ko insaed lo mosque Dedaat i no karem aot ol sus blong hem nomo be i askem ol geta we oli behaen
long hem blo oli folem sem fala fasin mo olgeta tu oli karem aot sus.
Behaen long hem Dedaat i askem olgeta man ia sapos oli save stampa tingting blong oli karem aot sus blong olgeta. Oli ansa bak lo hem se, No” Deedat mekem klia long olgeta mo i talem se, taem moses i stap long Hil long Sinai , God i toktok wetem hem:
God i talem se “i tabu blong yu kam kolosap! Karem aot ol sus blong yu from se ples we yu stap Stanap long hem hemi tabu kraon” (Exodus 3:5)
Taem olgeta man ia oli stap sitaon long stul mo stap lukluk, Deedat Kirap mo stap wasem leg blong hem. Behaen long hem i talem long olgeta ol from wanem hemi mekem olsem. Hemi no blong fasin blong haegin nomo blong mekem 5 taem long wan dei: i kat historikal toktok behaen long hem.: Afta Deedat i talem se:
Moses, Aaron , mo ol pikinini boi mo kel blong olgeta oli usum wota blong wasem ol han mo lek blong olgeta. Oli makem fasin ia long everi taem oli ko blong mit long ples blong miting or ples blong prea.
Moses tu i follem ol instraksen blong hae God. (Exodus 40:3132)
Afta long ol inportan prea , Dedaat i ko bak luk ol geta man ia oli stap lukluk ol nara Musilm oli stap mekem ol private prea blong olgeta. Hemi talem tu se inpoten pat blo prea hemi blong bow daon or fes i fesem kraon olsem prostresen. Taem i talem ol toktok ia semtaem i stap poin i lo long ol krup ia mo hemi talem se ol profet blong bifo i kam oli stap prea olsem ia nao. Hemi kontiniu blong talem se :
Quik taem nomo , Abraham i bow wetem fes blong hem i tajem kraon mo God i toktok long hem. ( Exodus 40:17-3)
Hariap taem nomo , Abraham i bowdaon wetem fes long hem graon ….. ( Genesi 17:17)
Moses mo Aaron tufala i ko blong join wetem ol krup blong ol man long entrens blong tent blong miting. Hariap taem nomo tufala i bowdaon wetem fes blong tufala i tajem kraon mo glori blong God i kam daon long tufala. (Numbers 20:6)
Mo Joshua i bow daon long kraon mo fes blong hem i fesem kraon mo i wosip … (Joshua 5:14)
Mo hem (Jisas) i ko lo wei lelepet mo i bow daon mo hem mekem wosip… (Mathew 26:39)
Dedaat i talem lo ol geta man ia se, ufala i save gud ol fasin blong prea blong olgeta Kristian mo ol Jew
mo nao ia ufala lukluk tu ol fasin blong prea blong ol Muslim bageken.
Dedaat i askem ol krup lo wan questen lo wan respek fasin se, wanem kaen wei blong prea hemi gud.
blong Kristian? Ol geta man ia oli singaot bigwan se,” Muslim wei blong wosip hemi stret fasin blong Kristian bitim ol narafala.
Fulap Kristian we oli joinem Musilm tedei oli talemaot se nao ia oli kam gufala Kristian “from muv we oli tekem. Toktok ia Kristian “i minim se ol krup we oli folem Kraes” Kreas tian”. Olsem wanem long olgeta man ia we ol stap olsem ol Musim oli talem se oli klosap mo lo Jisas?.
Yumi traem tingting lo wan stret mo wan gudfala lukluk mo long wanem bibol i talem abaot Jisas.
Wan gudfala exampol , sapos yumi readem ol gospel yumi luk se ol storian blong Jisas se eni ples hemi prea oltaem fes blong hem i mas lukluk long kraon, mo tu i greetem ol man we oli behaen long hem wetem pis mo hemi ko wetaot kakai blong sam longfala taem.
I hapen tu long samfala Kristian man blong bifo oli harem gud from fasin we oli kam Muslim long tingting se ol kasem save long long tambu buk olsem holi Koran we kamaot long profet Muahammad ( pis i stap wetem hem).
Tabu buk blong Koran i talem se “ Yufala we i bilif mo bow daon mo prostet mo ufala i sefem God , mo mekem gud long prea blong yufala i kat gudfala laef.” (The Noble QUR’AN 22:77)
Yu luk ol man we oli stap putum bilif blong olgeta lo wan God, hemi bilif we I no save kam aot long fasin blong man.
Tedei samfala man we oli stap talem se oli folem rod blong Jisas , Abraham, mo Moses ( Pis i stap wetem olgeta) be lo rialiti oli stap aotside mo oli lusum stret rod ia finis.
Mo long saet blong kristianiti samfala man oli mekem mistek blong mekem wan newfala rod blong faith abaot Profet Jisas mo mekem hem i kam narafala samting we hem i no talem bifo finis.
Nao ia yu mas talem lo yu wan se, hu ia nao i folem eksampol blong Jisas tedei?
Yu save gud se ol Muslim oli prea hambol prea wetem hed blong ol keta i tajem kraon 5 taem long wan dei. Muslim oli folem relijin blong Jisas, ol faith we hemi tokbaot mo praktis long hem. Semak tu, Muslim oli wosip semak God we Jisas i wosip long hem.
Semak long God blong Abraham, Moses mo Muhammad pis i ko lo olgeta olgeta.
Mo tu , everi taem ol Muslim oli mas kritim olgeta wetem toktok ia” Pis i stap wetem yu”
Antap long hem ia Jisas i ko witaot kakai blong 40 dei long deset. Ol Muslim oli fast long everi ia long manis blong Ramadan.
Faenol tinting se yumi hambol mo prea olsem olgeta profet ia, Mo yufala i welkam blong mekem daonlod ol prea (Salaah) Ol Buk ia i stap long websit blong mifala.
 - You should know this man.jpg)
.jpg)
