YINI BUHLE BENKHOLO YE ISLAM? UYIMUKELA KANJANI INKHOLO YE ISLAM?

---

Download Now

➟ Translation of this material into other languages
➟ All the materials that are available in Swazi language

YINI BUHLE BENKHOLO YE ISLAM?

Uyimukela kanjani inkholo yeIslam?

Prepared by: Abo Karim El Marakshy

Translated by: SAEED MATSEBULA

YINI BUHLE BEKHOLO YE ISLAM?

1. Inkholo yeIslam umuntfu imususa ebumnyameni bekukholelwa etithicweni nekukholelwa kubo nkulunkulu labanyenti, ikwente futsi ukholelwe kuNkulunkulu munye,longuMdali wemazulu nemhlaba nako konkhe lokungekhatsi kwawo nalokungaphandle kwawo.

2. Inkholo yeIslam ishintja simo nendla yekuphila kwemuntfu kube nguleyo lengahambelani nekugcekana lokufaka lonkhe luhlobo lekugcekana, kungaba sibongo sakho, indzawo lawuhlala khona, umbala wesikhumba sakho, lulwini lolikhulumako etc.

3. Inkholo yeIslam ivikela phindze ikhutsate emalungelo abo make (bantfu besifazane) mayelana nawo wonkhe emalungelo lahambisana nabo, kungaba ngemalungelo ekutfola lifa, kwekuba bosamabizinisi, nalamanye lamanyenti

4. Inkholo yeIslam iphocelela phindze igcizelele loyo losebandleni noma lolilunga lenkholo yeislam kutsi kufanele ahlale ahlobile ngaso sonkhe sikhatsi, ahlobe em’tibheni futsi nemoya nenhlitiyo yakhe ihlale ihlobile njalo njalo.

5. Inkholo yeIslam ayihambelani nekuhlukubeteka kwendalo yaAllah lefaka ekhatsi yonkhe intfo lela emhlabeni lesiyibonako nalesingayibone (bantfu, tilwane,imvelo,umoya,emanti etc)

6. Inkholo yeIslam ikhutsata balandzeli bayo babe sibonelo lesinhle, phindze bahambisa livangeli lalenkholo ngetento tabo, ngetincwadzi letihambelana nalenkholo konkhe loku bayakhutsatwa kutsi bakwente ngekutitfoba nekuchasisela bantfu ngalokugwcebe.

7. Inkholo yeIslam ayihambisani netidzakamisa tonkhe letihambisa ingcondvo letifaka tjwala, etc

8. Inkholo yeIslam ayihambisani nebantfu labaphila imphilo yekuphinga, nekukhuluma inhlambha.

9. Inkholo yeIslam ikhutsata kuvikela imphahla yebantfu, ekutsi yetjiwe nekusentjetiswa budlabha.

10. Inkholo yeIslam ivikela phindze ikhutsate kugcinwa kwemali

11. Inkholo yeIslam iphocelela bantfu kutsi babambhane futsi babe yimbumbe ekusiteni bantfu labangakhoni kutisita nekutsi balandzeli benkholo yeIslam bayakhutsatwa kakhulu kutsi bakhiphe kweshumi kulabo labahluphekile.

12. Inkholo yeIslam ikhutsata futsi iphocelele kutsi kulenkholo wonkhe umuntfu uyalingana ngetigaba kute lomkhulu kunalomuntfu, nekutsi wonkhe umuntfu uphatfwa ngendlela lefanako nome ngabe umdzala, uliswane, unemali nome uphuyile.

13. Inkholo yeIslam iphocelela phindze ikhutsate balabdzeli bayo kwekutsi imithandazo yabo lesihlanu onkhe malanga bayente, ngesikhatsi futsi nelutsandvo.

14. LiMuslim kufanele ngaso sonke sikhatsi litame kujabulisa futsi likhonte Nkulunkulu.

15. Inkholo yeIslam ikhutsata intsetselelo ngaso sonkhe sikhatsi, umuntfu loliMuslim uyakhutsatwa kutsi ahlale njalo acele intsetselelo kuNkulunkulu.

16. Ume ngabe umuntfu enta tento letinhle, leto tento letinhle tinciphisa tono takhe kodvwa loyo muntfu uyakhutsatwa kucela intsetselelo.

17. Inkholo yeIslam yadalwa yaba melula kwatiwa nguwonkhe wonkhe.

18. Inkholo yeIslam iyayivuma intfutfuko, iyatjengisa kwekutsi yinikholo yebantfu bonkhe.

19. Inkholo yeIslam yinkholo yaAllah lekayikhetsela futsi wayitsandzela bonkhe bantfu lapha emhlabeni

20. Inkholo yeIslam ngiyo yodvwa inkholo mhlaba wonkhe lencwadzi leyatfunyelwa kuMprophet Muhammad (kuthula netibusoso tibe kuye) itfunyelwe bantfu solo namanje injalo, ayitange ishintje ngisho ligama linye.

21. Inkholo yeIslam ngiyo yodvwa inkholo lenemuladvo lojulile futsi lephocelela balandzeli bayo kutsi bawati lomladvo nemphilo yeMprophet Muhammad (kuthula netibusoso tibe kuye) ngoba Allah wabatjela bantfu kutsi uMprophet Muhammad (kuthula netibusoso tibe kuye) usibonakaliso ebantfwini mhlaba wonkhe.

22. BaProphet baphambilini beta emhlabeni etiveni letehlukene, ngetikhatsi letehlukene, ebantfwini labehlukile futsi ete esiveni sinye kodvwa inkholo yeIslam yebantfu bonkhe neMprophet Muhammad (kuthula netibusoso tibe kuye) webantfu bonkhe.

23. Inkholo yeIslam ngiyo yodvwa inkholo la emhlabeni, lapho balandzeli bayo bakholwa kuMdali Allah yena yedvwa futsi bamukhonta ngendlela lakayisho, hhayi kuva ngebantfu kutsi Nkulunkulu ukhontwa kanjani.

24. Inkholo yeIslam iphocelela kuba nesihawu, nenhlitiyo lenhle ebantfwini lebahluphekile, nalabangekho esimeni lesikahle.

25. Inkholo yeIslam ivikela phindze yenta baProphet (kuthula netibusoso tibe nabo) kutsi sitfunti sabo nebuntfu babo bungangcoliswa, nemulayeto yabo ingashitjwa bantfu lebangakholelwa kibo kutsi bamaProphet aNkulunkulu.

26. Inkholo yeIslam ihambisa phambili kunakekela bantfu ngekufanana, kube bete umehluko kulabo labahluphekile nalabanemali ngem’phatfwo.

27. Inkholo yeIslam iphocelela balandzeli bayo kutsi Bazile, kuzila kubandzisa futsi kubakhumbute buntfu nekutsi kunjani kuphila imphilo yekuhlupheka bese kubenta babe bantfu leba bonga konkhe Nkulunkulu lekaba busise ngako, lokuncane nalokukhulu.

28. Inkholo yeIslam ifundzisa umuntfu ngemphilo lesiyo yiphila mhlazane siyobhubha emhlabeni.

29. Inkholo yeIslam ayihlukanisi em’khatsini kweliMiuslim nemutfu longasilo ngesikhatsi sekunikela tipho ebantfwini labahluphekile.

30. Inkholo yeIslam iniketa emalungelo kumakhelwane wakho none ngabe akasilo liMuslim futsi unemalungelo tsite kuwe wena loliMuslim.

31. Inkholo yeIslam igcugcutela inhlonipho ikakhulu ebantfwini labadzala iphindze ihambise phambili kuba nesihawu neluvelo ebantfwaneni.

32. Inkholo yeIslam iphocelela ekulandzeleni nekuhambisi phambili emalungelo ebatali nome ngabe batali bakho abasiwo emaMuslim.

33. Inkholo yeIslam iphocelela iphindze ikhankhatsele emalungelo emabantfwana nome ngabe loyo muntfwana usengakatalwa.

34. Inkholo yeIslam iyawahlonipha iphindze futsi igcizelele kukholweni um’layeto lebangunikwa wona nguAllah.

35. Labo bantfu lesabashinile inkholo yeIslam, iyabanika emalungelo abo netigaba tawo.

 

UYIMUKELA KANJANI INKHOLO YE ISLAM?

Mfundzi lotsandzekayo: Kumukela inkholo yeIslam kumelula kakhulu… Kufanele kwekutsi ukholelwe kekutsi Nkulunkulu (Allah) ungumholi nehloko yato tonkhe tintfo la emhlabeni nasemazulwini, futsi utsandze konkhe lekutsandva nguAllah, futsi ungambisane naloko Nkulunkulu lekahambisana nako, utsembele kuye yedvwa, umsabe phindze umtsandze futsi umdvumise Nkulunkulu njalo njalo emphilweni yakho. Ukhohlwe konkhe lebewugadze ukholelwa kiko phambilini, ukholelwe kutsi Allah mukhulu kakhulu kutsi angamataniswa nalutfo, “Allah akalali, akadalwanga, akatali futsi akatalwanga” (surah al-ikhlas: 3)

Uphindze ukholelwe kutsi Jesu (kuthula netibusiso taAllah tibe naye) indvodzana yaMary sitfwunya nesigcila saNkulunkulu, livi nemoya longcwele wakhe Nkulunkulu watfwunyelwa kuyeMary. Jesu (kuthula netibusiso taAllah tibe naye) wadalwa nguNkulunkulu ngesimanga lesikhulu, futsi Jesu (kuthula netibusiso taAllah tibe naye) akatange abetselwa esiphambaneni kodvwa Nkunkulu amukhulu, amangalisa wamutsatsa Jesu (kuthula netibusiso taAllah tibe naye) wamunyusela ngalesikhatsi kumele bamubetsele. Jesu (kuthula netibusiso taAllah tibe naye) ungumProphet phindze abe sitfunywa saAllah, njenga boNowa,Abraham, Mozisi, naMuhammad (kuthula netibusiso taAllah tibe kibo bonkhe)

Mfundzi lotsandzekayo: usengakayimukeli inkholo yeIslam, kufanele usho nasi siqiniseko nekufunga ngeIslam lokubuya enhlitiweni yakho utsi “kute Nkulunkulu noma bonkulunkulu labadzinga nome lekumelwe bakhontwe ngaphandle kwa Allah, Muhammad kuthula netibusiso tibe naye usitfunywa nesigcila sa Allah” ngesiArab utsi” ASHHADU ALLA ILAHA ILALLAH, WA ASHHADU ANNA MUHAMMADA RASULULLAH”.

Bengitsandza kukucnoma futsi ngikufisele konkhe lokuhle ngekutsatsa lesisincumo lesimcoka kakhulu emphilweni yakho. Lesi ngulesikhatsi sewuncume kunikela imphilo yakho kuAllah, loku kufanana nekutsi utalwe kabusha, sewutikhululile kuko konkhe lbekukubambile nalokukubambako kwekutsi uphile imphilo lengiyo la emhlabeni. Kulesikhatsi sewukhetse kubangumladzeli wenkholo ya Muhammad na Jesu (kuthula netibusiso taAllah tibe kibo).

Ubokwati kutsi sibusiso lesikhulu kabi lapha emhlabeni kutsi umukele inkholo yeIslam kutsi ibe yinkholo yakho, kwamele umbonge Allah kutsi ukukhetsile kutsi ube ngulo munye webalandzeli bakhe. UmaAllah avumile inhlitiyo yakho itotfwokota, intfwokoto longatange uyive. Nebulikhuni lowutobutfola ubowati kutsi Allah uyakuhlola kwekutsi umtsandza kanganani.

www.islamic-invitation.com

https://islamic-invitation.com/book_details.php?bID=3684

https://islamic-invitation.com/lang_show.php?lang_name=SiSwati%28Swazi%29&langID=18

Download Now