Baprofeta ba Abrahama, Moshe, Jesu le Muhammad (Khotso ebe le bona) ba ne ba rapela joang?
Ka leleng la matsatsi Sheikh Ahmad Deedat , morutehi e mong e moholo oa Muslim (Lesolomane), o ile a etela Jeddah, Saudi Arabia 'me a hlalosa tseo a teaneng le tsona bophelong ba hae.
O ile are ka leleng la matsatsi o ile a nkela sehlopha sa Bakreste le Majude Masjiding (ntlong ea thapelo). Nakong eo ba kenang Masjiding Deedat ha a ka a rola lieta a le mong empa o ile a kopa sehlopha seo le sona ho rola lieta 'me bohle ba ile ba li rola.
Eaba Deedat o botsa sehlopha seo hore na se tseba lebaka la ho rola lieta tsa bona. Ba araba ka hore "Che", Deedat a hlalosa hore nakong eo Moshe (khotso ebe le eena) a neng a le thabeng ea Sinai Molimo O ile A bua le eena.
Eaba Molimo: "Oa re: U se ke ua atamela mona, rola meqathatso ea hau maotong a hao, hobane ng'alo eo u emeng ho eona ke mobu o halalelang." (Exoda 3:5)
Eaba sehlopha seo se lula setulong sa shebella, Deedat a kopa hore a ke a eo etsa Wudhu (boitlhoekiso ba pele ho thapelo ka metsi). Kamora' ho etsa wudhu, o ile a khutlela sehlopheng seo 'me a hlalosa. Sena ha se bohloekinyana feela kaha e etsoa makhetlo a mahlano ka letsatsi, 'me ena le nalane. Eaba o qotsa Bibeleng: "Moshe, le Aarone, le bara ba hae ba itlhatsoa matsoho le maoto; Enere ha ba kena tenteng ea pokano, le ha ba atamela pel'a aletare, ba ne ba itlhatsoa, joalo ka ha Jehova a laetse Moshe." (Exoda 40:31-32)
Kamora hore Deedat a etse lithapelo tsena tse tlamang o ile a khutlela ho sehlopha seo se neng se shebelletse Masolomane a mang a neng a ntse a etsa lithapelo tse sa tlameng. O ile a hlalosa karolo e 'ngoe le e 'ngoe ea thapelo empa e bohlokoa haholo ke ho oa ka sefahleho. Deedat o ile are a supa ho oa ka sefahleho; "Ena ke eona tsela eo Baprofeta bohle ba neng ba rapela ka eona". 'Me a tiisa polelo ea hae ka ho qotsa Bibeleng: "Eaba Abrame o oa ka sefahleho, 'me Molimo oa 'na oa bua le eena…". (Genese 17:3)
"Eaba Abrahama o oa ka sefahleho, a ts'eha, 'me a re ka pelong ea hae …" (Genese 17:17)
"Moshe le Aarone ba tloha phuthehong, ba ea monyako oa tente ea pokano. Ba oa ka lifahleho tsa bona; 'me khanya ea Jehova e aba hlahela." (Numere 20:6)
"Eo a re: Che, empa ke tlile joale, ke le molaoli oa makhotla a Jehova. Eaba Joshua o oela fats'e ka sefahleho, a inama, a re…".(Joshua 5:14)
"A ntoo ea pejana, a oela fats'e ka sefahleho, a rapela…" (Mattheu 26:39)
Eaba Deedat o bolella sehlopha hore se tseba hantle tsela eo Bakreste le Majude ba rapelang ka tsona 'me hajoale ba ithutile ea Masolomane hape.
Deedat ka boikokobetso a botsa sehlopha seo hore na ebe ke borapeli bo fe bo bokreste haholo? Sehlopha sa bakreste le majude ba ile ba lumellana ntle le koao, ba re: "Kannete tsela ea Masolomane ea borapeli ke eona e bokreste ho feta tsohle."
Boholo ba Bakreste ba khutlelang tumelong ea Islamo matsatsing ana ba tiisa hore ke balateli ba Jesu (AS) ba 'nete ka ho latela tumelo ea Islamo. Lentsoe 'Mokreste' le bolela molateli oa Kreste. Joale batho ba ba lulang ba re Masolomane a itlama ka hore ke bona balateli ba haufi le Jesu.
Ha re nahaneng ka botebo ka ho hlahloba seo Bibele ese bolelang ka Jesu. Mohlala, ha re sheba mongolong a Kosepele re tla fumana moo Jesu a neng a rapela a oela ka sefahleho kapa a thetsitse fats'e ka sefahleho, a lumelisa balumeli ka tumeliso e pharaletseng "khotso ebe le lona", a itima nako e telele (jj khoeli).
Kannete boholo ba batho bao eneng ele Bakreste ba elelloa hore ene ele Masolomane ka litsela tse khethehileng pele ba fumana tiisetso ea bolumeli ba bona ba tlholeho kahare ho Kor'ane e halalelang e senoletsoeng Moprofeta oa ho qetela eleng Moprofeta Muhammad (khotso ebe le eena).
"Oho lona ba lumelang! Inamang le be le oe ka lifahleho tsa lona 'me le sebeletse mong'a lona le be le etse hantle hore le tsebe ho atleha". (Kor'ane 22:77)
U ea bona hore kutloisiso ea motho bonngoeng ba Molimo le tlholeho hase ntho tse arohanngoang. Matsatsing ana batho ba ithetsang ka hore ba ba latela tsela ea Abrahama, Moshe le Jesu (khotso ebe le bona) ba khelohetse thoko haholo le tsela e tsamailoeng ke bao. Ho ea ka bolumeli ba bokreste, batho ba iqapetse bolumeli bo bocha bo hole le Jesu (KLE) ka phoso, 'me sena se mo entseng seo a sa kang a ipitsa sona ho hang.
Ha joale ak'u ipotse ka bonnete, ke mang ea latelang mehlala ea Jesu (KLE) matsatsig a? Joalokaha u tseba Masolomane a rapela ka boikokobetso ka ho thetsa fats'e ka lifahleho bonyane ha hlano ka letsatsi. Masolomane a latela tumelo ea Jesu (KLE): Tumelo eo a buileng ka eona a ba a e phetha. Ka ho ts'oana Masolomane a rapela Molimo Oo Jesu (KLE) a neng a O rapela eleng Molimo oa Abrahama, Moshe le Muhammad (KLB).
Hape, Masolomane a lumelisana ka polelo "Assalaam alaykum" e bolelang "Khotso ebe le lona"! hape-hape joalokaha Jesu (KLE) a ile a itima (ho ila lino le lijo jj) matsatsi a mashome a mane. Masolomane a itima khoeli kaofela ka khoeli ea borobong ea Islamo (Ramadhwan).
Kahoo ha re ikokobetseng 'me re rapele joaloka baprofeta bana ka moka (KEB).
U ka hlahloba libuka tsa rona tsa lithapelo ho marang-rang a rona: www.islamic-invitation.com
Bukana ena e hlophisitsoe ke mokhatlo oa Madinah Students in the Field (MASIF)
 - You should know this man.jpg)
.jpg)
