Tumelo ea Islamo e tlositse motho lefifing la ho rapela melingoana e mengata le ho khumamela libopuoa ho mo etsa hore a khumamele Molimo.
Islamo e fetotse tsela ea bophelo ba batho ba lumelang ho eona, joalokaha ba ne ba ena le bothata ba ho hloka tsebo, ho ba morao litabeng le liqabang tsa merabe.
Islamo e pholositse basali khahlanong le ho ba hlokela toka joaloka ho ba etsa bana, ho ba tima litokelo tsa bona tsa mafa le tsa bophelo ‘moho le ho ba loanela khahlanong le bokhopo boo ba neng ba bo etsetsoa.
Islamo e hloka hore Masolomane a hloeke hantle ‘meleng le moeeng.
Islamo e thibela khatello ea libopuoa tsa Allah ho sa tsotellehe hore na ke batho, liphoofolo kapa limela.
Islamo e khothaletsa balateli ba eona ho bitsetsa batho Islamong ele ho ba pholosa mollong oa lihele.
Islamo e hanela ts’ebeliso ea lintho tse taeang tse ka amang kelello joaloka joala le lithethefatsi.
Islamo e thibela boqhekanyetsi le boits’oaro bo nyehlileng ‘moho le bohlola.
Islamo e sireletsa thepa ea batho khahlanong le ba bang, e thibela ts’enyo ea eona, kapa ho utsoa thepa ea batho ba bang.
Islamo e lumella ts’ebeliso ea chelete ‘me ha e lumelle khatello ea hore khoebo e fuoe motho a le mong (monopoly).
Islamo e khothaletsa bonngoe ba sechaba ka ho qobella Zakah [1]le ho khothaletsa limpho le linyehelo.
Islamo e phethahatsa teka-tekano lipakeng tsa bahlanka ba Allah ho sa tsotellehe lebala la bona; Islamo ha e hlalohanye ea mosoeu le ea mots’o.
Islamo e hloka lithapelo tse hlano ka letsatsi, ele ho etsa hore motho a be le puisano le Allah e tsoellang e senang khefutso.
Ho fumana moputso ho tsoa ho Allah ha ho emise. Lesolomane le lokela ho lula le ikemiselitse ho khotsofatsa Allah, ‘me e mo fa moputso o tsoellang.
Islamo e lutse e butse lemati la pako ele ho fana ka tiisetso le cheseho ea ho baka.
Ntho tsohle tse ntle tse etsoang ke motho li hlakola libe tse itseng.
Bobebe ba Islam bo etsa hore motho emong le emong a e utloisise ntle le ho ferekana.
Bolokolohi ba Islamo le bokhoni ba ho amohela ka nts’etsopele ho etsa hore e lule e ntse ele mothehong oa eona o nepahetseng.
Islamo ke tumelo ea ‘nete eo Allah A e batlang sebakeng sa batho bohle. Haeba ho na le litumelo tse ngata ho lokela ho ba le melimo e mengata. Ea Tlotlisehang ka ho Fetisisa ke Eena.
Islamo ke eona feela tumelo eo balateli ba eona ba ntseng ba ena le buka e senotsoeng ke Molimo ho Moporofeta (KEL) e ntseng ele boleng ba eona ba mathomo.
Moporofeta oa Islamo (KEL)[2] ke eena feela moporofeta eo balateli ba hae ba bileng seli, hlokolosi le thahasello ea ho latela bophelo ba hae, lipuo le liketso tsa hae. Mesebetsi le tsohle ka eena ba li ngola fats’e ba litlaleha kamoo li etsahetseng ke ka hona ebile ele ntlha ea bobeli ea bohlokoa ho molao oa Islamo.
Joalokaha melaetsa ea baporofeta ba pele ene e etsetsoa batho ba itseng le nako e itseng, empa Islamo e thehetsoe batho bohle ka linako tsohle ho fihlela Letsatsi la ho Qetela.
Islamo ke eona tumelo ele ‘ngoe feela lefats’eng eo balateli ba eona ba rapelang ‘Mopi oa bona ka moo A laetseng ka teng, eseng se ngotsoeng ke batho ba itseng ka tseo ba li bitsang Libuka tse Halalelang.
Islamo e laela hore motho a be mohau ho ba fokolang le mafutsana.
Islamo e hloekisa pale ea bophelo ba Baporofeta ba Allah khahlanong le limpe tseo batho ba tumelo tse ling ba ba rehellang ka tsona.
Islamo e atlehile ho koala sekheo lipakeng tsa barui le bafutsana malebana le ts’oaro ka Masjiting le likopanong, morui a ke ke a suthisa mofutsana sebakeng sa hae hore ho lule eena.
Islamo e behile boitimo ho Masolomane ele ho ba ruta boitaolo le boits’oaro le hore ba tsebe ho utloisisa seo bafutsana ba teanang le sona le ho ba ruta hore ba fane ka bolokolohi.
Islamo e phahamisa moea oa botho hore motho a tsebe bohlokoa ba bophelo bo ka nqane ho lefu.
Islamo ha e khetholle lipakeng tsa Lesolomane le eo eseng Lesolomane ha ho fanoa ka lithuso le linyehelo.
Islamo e fa moahisane litokelo leha ese Lesolomane.
Islamo e khothaletsa tlhompho ho ba tsofali le mohau ho bana.
Islamo e tiisa litokelo tsa batsoali ho bana ba bona le haese masolomane.
Islam e tiisa litokelo tsa ngoana le pele a tsoaloa.
Islamo e hlonepha le ho lumela ho baporofeta bohle ba Allah.
Islamo e boloka litokelo le tsa bafu.
Ho amoheloa Islamo joang?
‘Mali ea khabane: Ho amohela Islamo ho bobebe… U lokela ho lumela hore Molimo ke eena Molaoli le Motsamaisi oa lintho tsohle tse lefats’eng le leholimomong, hore u rata seo Molimo A se ratang, le ho hloea seo Molimo A se hloileng, ho ts’epa Eena A inoosi le ho kopa ho Eena A inoosi. Likopo, lithapelo le borapeli bohle ba hau le bophelo ba hau li taolong ea Hae. Tlohela seo u neng u se khumamela le ho se rapela pele ho Eena. Ho lumela hore Allah O holimo haholo hoo A ka bang le litlhoko tse kang ho ba le mora, ‘Ha A tsoale ebile ha A tsoaloa’ [Surah Al-lkhlas: 3].
Ho tloha moo u lokela ho lumela hore “Jesu” Kresete, Mor’a Maria ke mohlanka oa Allah le morumuoa oa Hae, ea tlileng ka lentsoe la Hae le rometsoeng ho Maria, le hore ke moea o tsoang ho Molimo. Allah O bopile Jesu ka tsela e mohlolo ho tsoa ho ‘m’e ntle le ntate, le hore ha a so thakhisoe empa Allah O ile a mo nyollela ho Eena. Ene ele Moporofeta le morumuoa joaloka baporofeta le barumuoa ba bang be eking Nooe, Abrahama, Moshe le Muhammad khotso le mohau tsa Allah li be ho bona kaofela.
‘Mali ea khabane, pele o amohela Islamo, u lokela ho bua mantsoe a boitlamo ho tsoa pelong, “Ha ho mang kapa mang ea lokeloang ke ho rapeloa ntle le Allah le hore Muhammad ke Morumuoa oa Allah” ‘me ka leleme la Searabo: (ASHHADU ANLA ILAHA ILA-ALLAH, WA ASHHADU ANNA MUHAMMADAR-RASULULLAH).
Ke rata ho u thoholetsa ka qeto ena e khothatsang le qeto e ntle eo u e nkileng, eo ebileng ele qeto e nepahetseng ka ho fetisisa bophelong ba hau, nakong ena eo u nkileng qeto ea ho inehela ho Allah ke nako ea bohlokoa ea tsoalo ea hau ea bobeli, ke nako eo u ipholositseng ho batho ba buang mashano ka Allah, ba sentseng tumelo ea bona le ho latela litakatso tsa bona ho rapeleng Molimo oa ‘nete. Hajoale u se u le molateli oa tumelo ea Muhammad le Jesu Keresete (KEB).[3]
U lokela ho tseba hore ke tlhohonolofatso e kholo ho tsoa ho Allah haele mona A khethile ho u etsa molateli le molumeli oa tumelo ea Islamo, eba le teboho e kholo ho Allah sebakeng sa tlhohonolofatso eno. (In Shaa Allah) [4] u tla ikutloa khotso ka sefubeng sa hau eo u so e utloe ho hang bophelong bohle ba hau. Mathata ohle a u tlelang ntle le tlokotsi ea tumelo ese e tla ba a nakoana.
Lithapelo tsa rona tsa mapomelo Thoriso ebe ho Allah, Morena oa tsohle.
 - You should know this man.jpg)
.jpg)
