Aatumwa mbano Abraham, Moses, Yesus & Muhammad (ombili nayi kale nayo) oyali haa galikana ngiini?

---

Download Now

➟ Translation of this material into other languages
➟ All the materials that are available in Ovambo language

Aatumwa mbano Abraham, Moses, Yesus & Muhammad (ombili nayi kale nayo) oyali haa galikana ngiini?

Oshikando shimwe Sheikh: Ahmad Deedat, omulongwantu gwo Islam okwali atalelepo Jeddah mo Saudi Arabia, na okwa hokolola shimwe shomiilongwa yonkalamwenyo ye.

Okwati oshikando shimwe okwali afala ongundu yaa Kriste naa Yuda yaka talelepo oMasjid mo Durban sha South Africa. Sho yeya po Masjid Deedat ina kuthako ashike oongaku dhe ihe okwa lombwele ongundu ayihe yimu holele, na ayehe oya hulako oongaku dhawo.

Deedat okweya pula ngele oyeshi kutya omolwashike yena oku hulako oongaku dhawo, oyati ahawe. Deedat okweya lombwele kutya sho Moses ali kondundu ya Sinai Kalunga okwa popi naye tati: “inoya popepi, kuthako oongaku dhoye oshoka ehala mpaka wa thikama eyapuki”. (Exodus 3:5).

Manga ongundu ya kuutumba koshipundi tayi tala, Deedat okwa zipo puyo eki ikoshe aka galikane, konima yoku iyopaleka okwa shuna kongundu nokuya lombwela: Shino kashishi ashike uuyogoki womuule sho hashi ningwa lutano mesiku, ihe oshina wo ondjokonona,:

Moses, Aaron noyanamati oyali haya kosho omake gawo noompadhi, oya kala noku ikosha keshe oshikando yayi yaka gongale nenge yeya popepi noshi uvithilo. Moses okwa landula elombwelo lya Kalunga. (exodus 40: 31-32).

Konima yegalikano Deedat okwayi kongundu ndjono yali yiipyakidhila noku tala aaMuslim yamwe mboka yi ipyakidhila nomagalikano gopawumwene. Okweya fatululile omayinyengo gi ili gegalikano, lina omungundo oondyoka lyoku inyongamena (oku tula oshipala pevi). Deedat okweya fatululile ta ulike eyinyongameno, aatumwa ayehe osho yali haa galikana ngaaka. Okwa koleke omupopyo netumbulo:

ndele Abram okwi ipukike oshipala pevi, Kalunga nokwa popi ishewe naye… (Genesis 17:3).

ndele Abraham okwi ipukike oshipala pevi… (Genesis 7:7).

Moses na Aron oyazimo megongalo na oyayi kosheelo shetala-gongalo, oyi inyongamene niipala yawo yeyi pukike pevi noshinge shomuwa osheya holokele. (Numeri 20:6).

Josua nokwa pukike oshipala she pevi nokwa galikana… (Josua 5:14).

Yesus okwa hedha kokule kashona, okwa pukike oshipala she pevi, nokwa galikana… (Mateus 26:39).

Deedat okwa lombwele ongundu kutya oyeshi nale nawa omukalo gwaa Yuda naa Kresiti gwokugalikana nopayife oya mono wo omukalo gwaa Muslim gwokugalikana.

Deedat okweya pula kutya omikalo dhini dhokugalikana dhili pawu Kresiti? Ongundu ayihe oya yamukula metsokumwe yatii: “omukalo gwaa Muslim gwoku galikana oguli pawu  kresiti gu vule omikwawo”.

Aamuslim oyendji mbono yagalukile ko Islam okuza kuuKresiti oyeshi koleke kutya payife yo Aakriste hwepo ye vulithe nale. Oshitya “Omukriste” otashiti “omulanduli gwa Kristus” nenge guukeresiti. Ongiini ano kombinga yaa mbono ya koleke eyitaalo lyawo kutya Aamuslim ihe otayati kutya oya landula eyitaalo lya Profeti Yesus .?

Natu ipule manga nokutompa paku konaakona ombibeli kutya otayiti ngiini kombinga yomuprofeti Yesus. Oshiholelwa, ngele tatu lesha omishangwa otatu adha iikando oyindji Omutumwa Gwa Kalunga Yesus tagalikana atula oshipala pevi ano iipukika pevi, ayitaali aakwawo okwali heya kundu nekundo lyombili, okwali wo hi idhilike ethimbo ele.).

Nokuli oyendji mbono yali Aakriste noya galukila ko Islam oya koleke kutya nani oya kala owala Aamuslim mukehe shimwe omanga inaaya mona ekoleko lyeyitaalo lyawo lyopawushitwe mo Qur’an ndjono ya hololelwa omutumwa gwa Kalunga gwa hugunina Muhammad (ombili nayi kale naye).

“Ne mboka mwa itaala, inyongameneni, ipukikeni pevi, longeleni omuwa gweni ne mu longe uuwanawa opo mu sindane”. (Qur’an 22:77).

Owu wete kutya eyitaalo mu Kalunga gumwe olili pawushitwe na oshidhigu okuli topolako komuntu. Monena aantu yamwe mboka haya itakele uulanduli wa Yesus, Abraham na Moses (ombili nayi kale nayo) oya zamo mondjila. Muu Keresiti aantu papuko oya totopo eyitaalo li ikwatelela thilu komutumwa gwakalunga Yesus nokumu ithana naashono ye mwene ineshi iyithanitha.

Ipula mwene kutya monena paushili olye alandula oshiholelwa sha Yesus? Ngaashi tushishi aaMuslim ohaya galikana meyifupipiko ya tenteka iipala yawo pevi lutano mesiku.

Aamuslim oya landula eyitaalo lya Yesus, eyitaalo ndyono ali alongo yalwe nokweli longitha. Aamuslim oya itaala muKalunga ngoka akala ha galikanwa ku Yesus; Kalunga ka Abraham, Moses na Muhammad (ombili nayi kale nayo).

Aamuslim ohaya popithathana nepopitho lyombili hayatii: (assalaamu alaykum) shono tashiti: “ombili nayi kale nane” ishewe ngashi Yesus ali iidhilike omasiku 40 mombuga, Aamuslim ohaya idhilike omwedhi gwa Ramadhan aguhe.

Hugunina natu ifupipikeni ee tatu galikaneni Kalunga ngaashi aatumwa mbaka ayehe. Download okambo koye kegalikano (salaah) kepandja lyetu:

www.islamic-invitation.com

https://islamic-invitation.com/book_details.php?bID=1813

https://islamic-invitation.com/lang_show.php?langID=13                                       

Download Now