MULINGOKI ABAKWENDA BA ALLAH BANU BARAMYAMUGA ALLAH IBRAHIM, MUSA, ISSA NA MUHAMADI (OBUSEINGE BUBE HALIBO)
Abo Karim El-Marakshy

---

Download Now

➟ Translation of this material into other languages
➟ All the materials that are available in Nyoro language
➟ All the materials that are available for Abo Karim El-Marakshy

MULINGOKI ABAKWENDA BA ALLAH BANU BARAMYAMUGA ALLAH IBRAHIM, MUSA, ISSA NA MUHAMADI (OBUSEINGE BUBE HALIBO)

Kiro kimu omukugu mukusoma obusiraamu Ahmed Deedat akaba murubungorwe mukibuga Jidda mu Saudi Arabia yatutebeza ebimu ebyarabiremu mubwomeezibwe, yagamba ati;

Kiro kimu akabungisa ekitebe kyaba Kristayo n’aba Yudaaya mumuzigiti Durban munsi ya South African. Obubasemberiire kutaaha mumuzigiti ogu, akaihamu enkaitoze kandi yabasaba nabo baihemu (bajulemu) enkaito zaabo.

Yabakaguza ati, Mumanyire nsongaki eyerekere ntwihamu enkaito?. Boona bakagarukamu ngu nangwa. Deedat akaboleka kurungi muno najuliza hali Nabbi Musa ati, Ruhanga akagambira Musa ati, otasembera hanu ihamu enkaito zawe habwokuba oli mukiikaro ekirikwera. Obu Nabbi Musa akaba ali Harusozi Sinayi. (Kuruga 3:5).

Ekitebe kyabantu kikaikarra hantebe  balindiriza ekirikugarukaho, Deedat akabasaba kumwikiriza asobole kweyonja ebicweka byomubirigwe (Udhu) yagenda yanaaba kurungi ebicweeka byomubiri yaija nambere bali yagamba ati; tibuli buyonjo kwonka obwokweyonja emirundi 5 bulikiro, oihireho okunaaba kunu kwine obujulizi obulikumara.

Yagamba ati; Musa hamu na Aloni nabaana baabo banaabaga bati mukunaaba engaro zaabo, nebigere banaabaga bulikugenda kusorokana muhema yoruterano rwabo nambere bateraniraga mukuramya Ruhanga wabo. Mukwiriira orutaali. (Kuruga 40:31-32).

Hanyuma ya Deedat kumaliira kusaara yagaruka mukitebe kyabantu abakaba baliyo baikalire mbaroleera ebirikugenda mumaiso hali abasiraamu abali mumuzigiti nibasaara Suna na Faradha. Yatandika kusoboora ebikorwa bya Swala nkoku baaroraga abasiramu nibasaara. Akabazaaho muno hakujumara kuteeka omutwe gwabo haitaka yabagambira ati; oku nikwo okuramya okwamazima, yaleeta obujulizi hali Ibrahim ati;

Ahonaaho Ibrahim yagwa ajumaire obusobwe yabuta haitaka Ruhanga yagamba. (Ekyokubanza 17:3).

Oku nikwo okuramya kwabakwenda boona kandi kakuba omuntu aramya ati naaba aramize nkabakwenda ba Ruhanga. 

Ahonaaho Ibrahim akwagwa ajumaire akeeta ibara lya Ruhanga. (Ekyokubanza 17:17).

Musa na Aroni bakaruga muweema mpora mpora nambere babaire besoroliize basembera hamulyango gwa heema bagwa hansi bajumaire obuhikiriire bwa Allah bukabahikaho. (Numbers 20:6).

Na Yoshua nawe yagwa ajumaire yaramya. (Yoshua 5:14).

And he (Jesus) went a little further, and fell on his face, and did worship...(Matthew 26:39).

Yagendaho kake yagwa hansi ajumaire yaramya (Matayo 26:39)

Yesu akasembera mumaiso kake akagwa ajumaire akaramya

Omukugu mukumanya obusiraamu Ahmed Deedat akabasoborora nibo bakuramya endamya eyamazima hamu nabayudaaya nabo bakaba nibamanya endamya eyamazima baitu hati bunu nendamya yabo eyamazima bakagirugaho batandika kuramya endamya eyetali yamazima.

Ahmed Deedat akakaguza ekitebe kyabantu (Abayudaaya naba Kuristayo) yabakaguza nengeso nokwebundaaza yabaganba ati; boojo mungambire kusigikiira nkooku inywe muramya mumakanisa ganyu naitwe nkoku muboine nituramya mazimakwo nibaha abakuramya nka Yesu?

Aba Kuristayo naba Yudaaya boona bakagarukamu nti mazimakwo abasiramu nibo bakuramya endamya eya Yesu.

Kaire kanu abaKristayo baingi abasiramukire nibo mbakigumyakwo nti; nibwo bafookere abakurasi ba Yesu habwokuramya endamya eya Yesu yaramyamuga.

Ntwekaguza habwaki abantu abataahire obusiramu  kuruga mubu Kristayo nibagumya ngu nibo bakwikiriza nokuhondera ebya Yesu?

Ntusemeera kutekereza muno namagezi maingi muno hansonga egi eyekubazibwaho mubaibuli ekwatiraine na Yesu obuyaramyaga yatekaga omutwegwe haitaka kandi yagondezaaga abantube obusinge kandi yasiibaga akaire akaingi.

Kandi mazimakwo hali bali aba Kristayo abairaho mbakigumiza kimu ngu nibo baabaire bali basiramukwo kusigikirra obwakaiso obuloho saaha zinu obwasirimukire hali Nabbi Muhammad S.A.W obwa Kuran erukwera.   

INYWE ABAIKIRIZA MWINAME, MUJUUMALE KANDI MURAMYE ALLAH WANYU KANDI MUKOLE EBIRUNGI BYOONKA NUKWE MUHIKE MUKWESIIMA (Q’URAN 22:77).

Timukurora omulingo Allah ayeseremu abantu inywena nkoku twine kumuramya atahukanizeemu obuhangwa bwabantu! (omukazi nomusaija).

Kaire kanu abakwehaisa ngu nibo bakuhondera Yesu mazima genyini tibamanyire Ibrahim hamu na Musa kuba nigwo muhanda gwonka oguhikire kukwata nikwo babe abakuhondera Yesu. Kandi kusigikiira habakuristayo bakaseraayo omuhanda ogwembaganiza bahondere ebitali bya Yesu yayegeseze abegeswabe.

Mwekaguze inywenka muti baitu mubwinganiza bwenyini ebikorwa byomumadiini abasiramu nabakristayo nibaha bunu abakubihikiriza?

Abasiramu nibahondera edini ya Yesu nokugiteeka munkora kandi nibaramya Ruhanga owa Yesu yaramyaga kandi ayaramibwaga Ibrahim na Musa, na Muhammad (Obusinge bwa Allah bube halibo).

Kandi obwirebwona abasiramu baramukyagangana nekiramukyo ekyobusinge ngu; obusinge bube halinywe.

Kandi abasiramu nibasiiba nkooku yasiibaga hamu nabakwenda abandi boona.

Leka tworobere Mukama nokusaara nkooku basaaraga Abatumwa ba Mukama Ruhanga.

Nitukuraliiza hamukutu gwaitu mwije mutunge ekitabu kyokwegesa Eswala (Endamya eyehikire eyabakwenda).

www.islamic-invitation.com

https://islamic-invitation.com/lang_show.php?langID=96

OMUHANDIIKI: ABUU KARIM AL-MARAKSHY

OMUHINDUZI: BEHANGANA ABDUSSWAMAD ISMAIL

Runyoro (Nyoro) language in Uganda

Download Now