AMAPHOROFITHA UABHRAHAMA, loMOSI, loJESU lo MUHAMMAD (Ukuthula akube kibo bonke) BABETHANDAZA NJANI?

---

Download Now

➟ Translation of this material into other languages
➟ All the materials that are available in Northern-Ndebele language

AMAPHOROFITHA UABHRAHAMA, loMOSI, loJESU lo MUHAMMAD (Ukuthula akube kibo bonke) BABETHANDAZA NJANI?

Ngesinye isikhathi uSheikh Ahmad Deedat, isazi soKholo lwesi Islam, savakatshela eJeddah eSaudi Arabia lapho esakhuluma khona ngenye into eyenzakala empilweni yaso.

Sathi sathatha iqembu lamaKristu lamaJuda ukuya vakatshela iMasjid (Indlu yokuthandazela yamaMuslim) eDurban, eSouth Africa. Bathi bengena eMasjid, uDeedat wakhupha izicathulo zakhe, wasecela iqembu lelo ukuthi lenze njalo. Yikhoke bonke benza njalo.

UDeedat wabuza iqembu lelo ukuthi babesazi na isizatho sokukhupha izicathulo. Baphendula besithi, “Hatshi.” UDeedat wabacasisela ukuthi lapho uMosi esentabeni yeSinayi, uNkulunkulu wathi kuye:

“Ungasondeli eduze! Khipha amanyathela akho ngoba indawo omi kiyo ingcwele.” [Eksodusi 3: 5]

Iqembu lisahlezi ezihlalweni likhangele, uDeedat walicela ukuthi usake ayegeza. Ngemva kokugeza, weza eqembwini lelo walicasisela ukuthi ukugeza lokho akusi kuzihlanza kuphela kahlanu ngelanga, kodwa kule mfundiso ekhona embalini yakudala. Wasesithi njalo esipha isitsho lesi:

“Ngakho uMosi lo Aroni kanye lamadodana akhe bawusebenzisa ukugeza izandla zabo kanye lezinyawo. Babegeza ngasosonke isikhathi nxa bengena eThentini lokuHlanganela loba nxa besiya e-Alithareni, njengokulaywa kukaMosi nguJehova.” [Eksodusi 40: 31 – 32]

Ngemva komthandazo, uDeedat weza njalo eqembwini lelo elaselibhizi likhangela amaMuslim besenza imithandazo, walicasisela izimo ezitshiyeneyo zomthandazo, ikakhulu ukuguqa okuthakazelisayo. UDeedat wathi ebacasisela ukuguqa: Yiyo indlela izithunywa zonke ezazithandaza ngayo. Ngakhoke wabatshengisa iqiniso lalokho owayekutsho ngamavesi eBhayibhili:

“U Abhrahama wawa wathi mbo phansi ngobuso, uNkulunkulu wathi kuye.” [Genesisi 17: 3]

“U Abhrahama wawa wathi mbo ngobuso phansi…” [Genesisi 17: 17]

“UMosi lo Aroni basuka embuthanweni wabantu baya esangweni leThente lokuHlanganela bawa phansi ngobuso, inkazimulo kaJehova yasibonakala kubo.” [Amanani 20: 6]

“U Joshuwa wathi mbo phansi ngobuso ngokudumisa…” [Joshuwa 5: 14]    

“Wahamba (uJesu) ibanganyana, wasezilahla phansi wathi mbo ngobuso wakhuleka…” [Mathewu 26: 39]

UDeedat walitshela iqembu leli ukuthi liyazazi kahle indlela zokuthandaza zamaKristu lamaJuda, njalo khathesi basebebone indlela yamaMuslim yokuthandaza.

Yikhoke, uDeedat walibuza iqembu lelo ethobekile ukuthi yindlela yabobani yokuthandaza eyiyo eyesiKristu sibili? Iqembu lonke lamaKristu lamaJuda laphendula lisithi: “Indlela yamaMuslim yokuthandaza yiyo indlela yesiKristu sibili ukwedlula ezinye.”

AmaKristu amanengi angena isi Islam lezinsuku bafakaza ukuthi sebe ngama”Kristu” angcono ngenxa yokwenza njalo. Izwi lokuthi “UmuKristu” litsho ukuthi “Umlandeli kaKristu.” Ngakhoke, yindaba abantu laba abasebe ngamaMuslim besithi yibo abalandeli baseduze bakaJesu?

Kasicabange mayelana ngalokhu kahle sikhangela ukuthi iBhayibhili lithini mayelana ngoJesu. Njengesibonelo, nxa singabala iBhayibhili sizabona lapho uJesu athandaza khona ebeka ubuso bakhe phansi, njalo lapho abingelela amakholwa ngezwi lokuthula, njalo lapho azila khona ukudla okwesikhathi eside.

Sibili, abantu abanengi ababe ngamaKristu bavuma ukuthi babe ngamaMuslim bengakazi ukholo lwabo loqobo olusuka kuQur’aan Eyingcwele eyathunyelwa isithunywa sokucina uMuhammad (Ukuthula akube kuye).

“Lina makholwa! Khothamani lokuguqa, njalo khonzani iNkosi yenu, njalo yenzani imisebenzi emihle ukuze liphumelele.” [Qur’aan 22: 77]

Ukwazi ubunye bukaNkulunkulu akungeke kwehlukaniswe lesimo sobuntu. Kusegazini!

Lezinsuku abanye abantu abathi balandela uJesu, loAbhrahama lo Mosi (ukuthula akube kibo bonke) sebesuka endleleni yoqotho. Nxa sikhangela isiKristu, abantu ngokungazi baqala ukholo olutsha olupheleleyo mayelana loJesu. Yikhoke, bamnika isimo yena angazange athi uyiso sona.

Khathesi zibuze okweqiniso ukuthi ngubani sibili olandela impilo kaJesu lezinsuku? Njengoba ukwazi, amaMuslim athandaza iziso zabo zithe mbo phansi kahlanu ngelanga kusiya phezula. AmaMuslim balandela uKholo lukaJesu; uKholo akhuluma phezu kwalo njalo wenza imisebenzi ehambelana lalo. AmaMuslim njalo akhonza uNkulunkulu owayekhonzwa nguJesu, uNkulunkulu kaAbhrahama loMosi loMuhammad (Ukuthula akube kibo bonke).

AmaMuslim njalo izikhathi zonke abingelelana esithi, “Ukuthula akube kuwe”; njalo njengokuzila ukudla kukaJesu amalanga angamatshumi amane esenhlane, amaMuslim azila ukudla inyanga yonke yeRamadhaan.

Yikhoke, kumele sizithobe njalo sithandaze njengezithunywa zonke lezi. Uyenelisa njalo ukuzuza ibhuku leMithandazo (Swalaah) endaweni elotshwe phansi:

www.islamic-invitation.com

https://www.islamic-invitation.com/book_details.php?bID=2031

Download Now