Nimunshila nshi bakasesema nga Abraham, Mose, Yesu na Muhammad (chibote cibe nabo bonse) balepepelamo?
Abo Karim El-Marakshy

---

Download Now

➟ Translation of this material into other languages
➟ All the materials that are available in Bemba language
➟ All the materials that are available for Abo Karim El-Marakshy

Nimunshila nshi bakasesema nga Abraham, Mose, Yesu na Muhammad (chibote cibe nabo bonse) balepepelamo?

Panshita imo, bamo muli bakanye kanye bakalamba wa masambililo yamipepele ya chi Silamu* ba Ahmed Deedat batandalile umusumba wa Jeddah, ku Saudi Arabia kuntu balondolwele ifyakukumanya fintu bakwete mubumi bwabo.

Pakashita kamo, balitandeshepo ibumba lya bena Kristu naba Yuda ku Mosque yaku Durban, South Africa. Lintu baleingila mu mosque, ba Deedat balifulile nsapato shabo nokulomba ukwebati nabo bene abena kristu naba Yuda bengacita cimo cine.

Elyo Deedat aipwishe ibumba nga cakweba ati baliishibe umulandu bafuulilepo insapato. Batile, “Awe.” Deedat atile, elyo Moses aile palupili lwa Sinai, Lesa Kabumba alilandile na wene.

Imfumu yamweba aiti, "Wipalama kuno. Fuula indyato shobe ku makasa yobe, pantu incende unyantilepo, ni ncende ikatami”. (Mikuukile/Ukufuma 3:5- Mbala²)

Deedat aliipatwilepo pebumba ilyo aile mukusamba kwitwa ablution³ panshita imo ine ibumba lyalikele liletamba fintu aalechita. Ilyo apwishishe, Deedat alondolwele ibumba palwa ablution ukutila, ici tacilifye icabusaka bukalamba pantu cicitwa imuku isano (5) pabushiku bumo, ilelo cilasangwa namufikomo fyakale. Deedat alyambwile ilembo:

Aron nabamwane baalesamba iminwe na makasa muli aya menshi. Ilyo bengila mwi Tenti lya cilonganino, nangu bapalama ku bulambo, baalesamba; ngefyo imfumu yaebele Mose. (Imikukile/Ukufuma/Exodus 40:31-32)

Ilyo Deedat apwishishe ukupepa amapepo yafipope, abwelele kwi bumba panshita bambi aba Silamu baleipepela amapepo yakuitemenwa, abalondolwele ubupilibulo bwamibele yamapepo nakucilisha, imicitile ya kuwa ubukupeeme. Deedat atile, iyi, enshila bakasesema bonse baleepepelamo, napali ico, ayambwile ifyalembwa mu baibele:

Abram e pa kuwa ubukupeeme Lesa nao amweba ati..(Citendekelo 17:3)
Abraham e pa kuwa ubukupeeme…(Citendekelo 17:17)

Awe Moses na Aron basha icilonganino, balungama ku mwinshi we Tenti lya cilonganino nokuiposa panshi ubukupeeme. Elyo ubukata bwa mfumu bwabamonekele (Mpendwa 20:6)

Nao ati: Iyoo, nine mukalamba wa fita fya mfumu, nomba naisa. Apali Yosue aiposa panshi ubukupeeme alamutotela…(Joshua 5:14)

Ati aendele (Yesu) akatalamukila, awo bukupeeme, alapapata... (Mateo 26:39)

Deedat aebele ibumba ili ukweba ati, epo baliishiba imipepele ya kristu and ne chi yuda elyo kabili bamona babikila ubumboni kumipepele yaci Silamu.

Deedat mumutelelwe alipwishe ibumba, ninshila nshi iyene imipepele yaci kristu mukucilisha? Bonse balyaswike abati, “mucine cine, inshila yaci Silamu yaenela ukuba inshila yaci kristu ukucila inshila ili yonse.”

Abengi abena Kristu abapokelela ici Silamu balabikila ubumboni ukuti nomba bali sanguka abena Kristu bene bene pamulandu wakunkonka ifi fyonse. Ishiwi lyakuti “Ubwina Kristu” lipilibula “uyo ukonka Kristu”

Nimunshila nshi abo abaita aba Silamu baitungila ukuba abakonshi bakwa Yesu bapulamo?

Natutontonkanye nokulolekesha pafyo baibele Ilanda palwa kwa Yesu. Kucakumwenako, nga twabelenga icipingo chipya, tulasanga ukweba ati Yesu alekupama pakupepa, aleposha abacetekela babiye neshiwi lya cibote, kabili alefunga inshita iitali (Fasting).

Mucine cine, abengi abafumine muci Kristu balalanda ukuti bali aba Silamu mubupilibulo ubuli bonse ubweshiwi lyabu Silamu ilyo tabalasanga ubucetekelo bwacishinte mumalembo yamwibuku lya mushilo ilya pelwe kuli kasesema wakulekelesha Muhammad (icibote cibe na wene)

Kuti mwashininkisha ukuti bukapepa bwakwa Lesa Umo mpo bwaba chishinte cabubumbo bwa bantunse bonse.

Ilelo, abengi baitunga ukuba abasambi bakwa Yesu, Abraham, na Moses (icibote cibe nabo bonse) balifuma munshila yaba kasesema bene aba. Abena Kristu bena mukuluba, balipanga icicetekelo caibela palwa kwa Yesu nokumibaka pantu taibikile umwine.

Muli bucishinka tuipushe fwebene, nibani bakonka inshila yakwa Yesu ilelo? Ngefyo mwingeshiba, aba Silamu balaicefya mukupepa nokubika impumi shabo panshi imiku ikumi (5) cila bushiku

Aba Silamu bakonka Inshila yakwa Yesu; icichetekelo afundile and nokukonka. Muli ico, aba Silamu bapepa Lesa untu Yesu aleepepa; Lesa umo wine untu Abraham, Moses na Muhammad (icibote cibe nabo bonse) baleepepa

Aba Silamu lyonse baposhanya neshiwi lyakweba ati “icibote cibe naimwe”

Elyo kabili, Yesu nao alifungile inshiku 40 mumatololo. Aba Silamu nabo balafunga inshiku 30 mu mwenshi wa Ramadan.

Mukulekelesha, katuichefye kabili tusende imibele yamamepo intu bakasesema balepepelamo, kabili tube abantungwa ukubula akatabo ka mapepo (Salaah) ukufuma pa internet wesu uwa:

www.islamic-invitation.com

https://islamic-invitation.com/book_details.php?bID=1905

Translated by: Abu Khadijah Alex Mwewa Alex                 

Bemba (ChiBemba) language Zambia

References: Diocese of Mpika, 1971. Mbala-Bemba Bible. Amashiwi yakwa Lesa. Catholic Diocese, Zambia.

Download Now